RGB ROG 标誌
侧边可放饮品
背面写着 ROG
背囊后面有大大个发光嘅 ROG 「败家之眼」，同埋一条打斜嘅灯条，两样都支援 ASUS Aura RGB 灯效，包括彩色循环、脉动「呼吸灯」等等 7 个灯效，街上嘅途人见到你个背囊闪闪吓，仲唔个个都望嚟咩？背囊带上面扣住个灯掣，俾你揿掣转换灯光效果，而啲 RGB 灯係用个外置电池（俗称「尿袋」）去供电，条 USB 叉电线会隐藏喺背囊带里面，你只要对準 USB 头插个「尿袋」 ，然后「尿袋」放喺背囊里面，啲 RGB 灯就会持续发出光害～外置电池无限咩牌子，不过华硕当然建议你用佢个 10,000mAh ZenPower 啦。
连个掣面都要 RGB……
按掣转换灯效
外置电池供电
当然有样有实际，呢个背囊虽然比较大，但孭起上嚟比想像中轻好多，同埋佢放得落 17.3 吋电竞 Notebook，对于一啲会拎部电脑出国嘅职业电竞选手、 KOL 或者 YouTuber 嚟讲，佢确实提供到好大嘅容量，设计又几靓仔。最前嗰格袋仔重可以拆出嚟，扣返条带就可以变成迷你手孭袋，方便你唔带电脑出去，都有个袋仔放护照同银包。
最前个袋仔可以拆出嚟。
规格表
小编呀粗身型矮小，显得背囊有点大。
ASUS ROG Ranger BP3703 将会喺今年 6 月至 7 月开卖，价钱未定，但大概介乎 $170 – $200 美元之间，即係港纸要成 $1,326 – $1,560！哗，睇嚟除咗当 ROG「神咁拜」嘅忠实华硕信徒之外，真係要好败家先会买呢个背囊啦。
「信仰」（财力）唔够，确实未必买得落手。